Додека одредени групи предвидуваат дека бројот на корисници на Facebook забрзано опаѓа, постои и друга верзија на мислење, според која Facebook ќе продолжи да расте...
Оваа година Facebook ќе слави 10-ти роденден. 10 години поминаа откако Марк Цукерберг ја "украде" идејата на неговиот колега од факултет и така засекогаш ја промени перцепцијата и начинот на користење на Интернет. Иако е непобитен фактот дека тинејџерите го напуштаат Facebook и се активираат на други социјални мрежи, растот на Facebook се уште расте линеарно од година во година.
Тоа го докажува и овој интересен графикон, изработен од Mashable и Statist, со што се потврдува постојаниот пораст на бројот на корисници на Facebook. На крајот на минатата 2013 година бројот на оние што го користат редовно Facebook (најмалку еднаш месечно) достигна до 1,23 милијарди, што е речиси еднаква цифра со бројот на население во Индија! Всушност, според сите предвидувања до 2015 бројот на активни корисници на Facebook може да го надмине бројот на население на најнаселената земја во светот - Кина.
