Според извештајот објавен од Strategy Analytics, оперативниот систем на Google за мобилни уреди, се уште убедливо ја држи водечката позиција по обработени податоци за претходната година...



Со дури 781.200.000 испорачани уреди, Android се уште е доминантен, бидејќи оваа цифра е за четири пати повисока во споредба со она што Apple и Microsoft заеднички испорачале уреди на iOS и Windows Phone оперативни системи. Со удел od 78,9 % на пазарот во последната година Android е во друга димензија во споредба со останатите, а iOS на Apple е на второ место со 15,5 % удел, додека Microsoft е на трето место со 3,6 %.

Сепак, Strategy Analytics дошла до податоци и за годишната стапка на растот на Android во 2013 година, која изнесува 62 %, што е најниско во историјата. Всушност, аналитичарите на пазарот предвидуваат дека годишната стапка на растот на Android ќе продолжи да паѓа и во 2014.