Google троши огромна сума на пари, технички, човечки и сите останати ресурси, за да ја задржи вербата во својата рекламна политика, бидејќи без тоа приходите стануваат дискутабилни...



Во извештајот објавен од компанијата на официјалниот блог за Google AdWords се обработени сите податоци за 2013 во која се прикажани некои од методите и трендовите за блокирање на рекламите на измамници и оние кои продаваат „фалш“ производи. Така минатата година Google од својата рекламна мрежа прекинал 350 милиони реклами кои не ги исполнуваат критериумите, како и 270.000 огласувачи, кои исто така ги прекршуваат правилата.

Интересно, бројот на несоодветни реклами минатата година пораснал во однос на 2012 со 220 милиони блокирани во гореспоменатите 350 милиони минатата година, а бројот на огласувачи забрзано паднал бидејќи во 2012 биле дури 850.000, додека минатата година тој број изнесувал околу 270.000. Сите други податоци можете да ги погледнете во инфографиката, која Google ја подготвил токму врз основа на овој извештај.