Компанијата најавила дека од 1 февруари следната година, буквално сите апликации ќе мора да бидат оптимизирани за последната генерација на мобилниот оперативен систем...



Apple испратил официјално соопштение: „Почнувајќи од 1 февруари 2014 година, сите нови апликации и надградби на постоечките апликации, кои ќе поднесат барање во App Store, ќе бидат надградени во најновата верзија на Xcode 5 и ќе мора да бидат оптимизирани за iOS7. Ако сакате да дознаете повеќе за подготовка на вашите апликации за новите правила, кликнете на овој линк, iOS Human Interface Guidelines“.

Овој потег е сосема очекуван, иако ќе бара многу работа за развојните тимови, кои се уште не ги адаптирале своите апликации за iOS 7. Според статистичките податоци, дури 76% од корисниците веќе извршиле надградба на нивните Apple уреди (само кај оние што имаат поддршка) на iOS 7 и тогаш е сосема нормално дека апликациите ќе мора да се прилагодат на последната генерација од мобилниот оперативен систем на Apple.