Twitter ја објави новата надградба за својот сервис, која им овозможува на корисниците да испраќаат фотографии во приватни пораки, нешто што досега не беше можно...



Од Twitter истакнуваат на блогот дека за прв пат корисниците ќе можат да споделуваат и да прегледуваат слики преку директна порака (DM) на мобилниот уред. Навигацијата помеѓу табовите отсега ќе биде можна преку swipe, што во голема мера ќе го поедностави користењето на Twitter.

Новост е и тоа што корисниците на iOS имаат нови in-app известувања кои покажуваат кога ви испраќаат приватна порака или ви фаворизираат некој твит (Favorite Tweet), ве ретвитаат(Retweet) и одговараат на вашите твитови(tweets). Корисниците на Android можат да ги вклучуваат известувањата за одреден корисник, така што ќе кликнат на ѕвездичката од својот профил.