Според брзината на симнување на податоци преку широкопојасен интернет или „broadband“ интернет за приватни корисници, за што редовно објавува американската компанија Ookla, САД се на наоѓа на 31 место, а Хонг Конг води на листата...



Скалата наречена „Net Index“ е формирана врз основа на податоци добиени од милиони поединечни мерења на „broadband“ брзината, која корисниците можат да ја спроведат бесплатно со користење на Speedtest.net. Добиениот податок за секоја земја е средната вредност изразена во MB/s во изминатите 30 дена, каде што растојанието помеѓу клиентот и серверот е помала од 480 километри, пишува регионалниот портал Seebiz.

Лидер за брзина на download е Хонг Конг, со брзина од 71,03 Mb/s , втора е Сингапур со 52,85 Mb / s, а трета е Романија со брзина од 50,82 Mb / s. Четвртото место и припаѓа на Јужна Кореја со брзина од 47,36 Mb / s. САД е на 31 место со брзина од 20,77 Mb / s , што е полош резултат од многу европски земји, вклучувајќи ја и Молдавија.

Во западен Балкан, Словенија има најголема брзина со 14,68 MB / s, Македонија со 11,54 MB/s и Србија 8 MB ​​/ s, која е рангирана на 82 место. Зад нив по брзина се Босна и Херцеговина со 6,75 MB / s, Хрватска со 6,65 MB / s, Црна Гора 6,40 MB / s и Албанија со 6,04 MB / s. На последното, 186 место се наоѓа Авганистан со брзина од 1,13 Mb / s.