Компанијата Virgin Galactic во сопственост на британскиот милијардер Richard Branson, во калифорниската пустина Mojave, ќе го претстави својот вселенски брод...

...во кој туристите ќе патуваат по "пристојна" цена од 200.000 доалри. На сред месечовиот пејзаж во пустината Mojave, на западот од САД, Richard Branson, американскиот вселенски инжинер Burt Rutan и администрацијата на Virgin Galactica ќе го презентираат на јавноста SpaceShipTwo бродот, кој може да смести двајца пилоти и шест патници.

Компанијата на Richard Branson, која инаку поседува и "класична" воздушна компанија, изјави дека веќе примила 40 милиони долари депозит од 300 туристи кои се заинтересирани да го вкусат тоа патување кое трае два и пол часа, вклучувајќи го полетувањето и слетувањето. Првите тест летови се планираат за 2010 година, а првите комерцијални летови се планираат за 2011 и 2012 година.