Според извори на производителот од Инголштат, работи на развивање на нов спортски автомобил...

Поточно, инсајдерите на компанијата тврдат дека Ауди во наредниот периот планира на пазарот да понудат автомобил придвижуван од V10 мотор, а подоцна истиот може да се нарече R10. Исто така, овој автомобил, наводно, би требало да се базира на платформа, која ќе се дели со наследникот Lamborghini Murcielago, а која ќе биде модифицирана изведба на моделот R8.

Што се однесува до димензиите на R10, би требало да биде поширок и подолг од моделот R8, а придвижувањето да биде задолжително на сите тркала. Треба да се спомне и V10 волуменот од 5.0 литри со турбо погон, кој ќе развива 600 КС. Или како сакате, со други зборови, од 0 до 100 км/ч овој модел ќе постигне за малку повеќе од 3 секунди. Изворите тврдат дека тестирањето на овој автомобил започнало, а на светските авто-салони би требало да се појави во 2012 година.