Нов луксузен модел од Серијата 7 веќе на европските пазари...

Новите хитови, луксузни модели на германската компанија BMW - 760i и 760 Li веќе се на располагање на европските пазари со нов подобрен целосно алуминиумски 12-цилиндричен мотор со функции за намалување на вибрациите.

Опремен со двојно-роторна турбо технологија (TwinPower Turbo), систем за прецизно директно вбризгување на горивото (High Precision Injection) и двојна променлива контрола на распределеното вратило (double-VANOS), моторот има моќност од 544 Коњски сили и забрзува од нула до 100 км / ч за 4.6 секунди. Средна потрошувачка на гориво на 760 Ај е 12.9 литри на 100 километри, а емисијата на јаглерод диоксид е 299 гр / километар.

Дизајнерските додатоци вклучуваат дополнително проширена предница, 19-инчови бандажи од метал и дополнителни задни браници од хром.

Меѓу специјалните елементи од ентериерот се тапацеријата од напа (вид обработена вистинска кожа) и обложувањето на покривот, како и козирка против сонцето од алкантара (велурена кожа од јапонски потекло со многу добри оперативни својства).

Стандардно и за двата модели се четиризонски автоматски клима уред, систем за помош при паркирање (ParkАssistance Control) и автоматски лесно затворање на вратите. Меѓу дополнителните опции, кои можат да ги изберат потрошувачите, се повеќеканални аудио системи, DVD систем инсталиран во задниот дел, и систем за управување iDrive.

iDrive обезбедува целосна контрола над сите функции - на навигациониот систем, телекомуникациите и можностите за забава. Благодарение на директниот избор на копчиња за "омилени" функции најважните системи и омилени функции се достапни со едно движење.

BMW определува основна цена на 760 i на германскиот пазар од 134 900 евра и 144 800 евра за моделот 760 Li.