Швајцарија го тужи интернет пребарувачот Google поради тоа што недоволно ги заштитува личните информации на граѓаните...

Google Street View им овозможува на корисниците поглед од 360 степени на улиците од перспектива на пешак на улица. "Лицата на луѓето и регистерските ознаки на автомобилите се гледаат многу добро", рекол швајцарскиот секретар на безбедноста на податоците, Hanspeter Thuer. Официјален претставник на Google во изјава рекол дека тужбата на Швајцарија ги изненадила и разочарала, и додал дека услугата Google Street View е легална, затоа Google целосно ќе се подготви за судскиот процес.

Thuer најмногу го загрижуваат сликите кои ги прикажуваат луѓето на осетливи места како што се болници, затвори и училиштата. Секретарот на ова прашање го предупредил Google во август оваа година, но никакви промени не биле воведени. До дебата нема да дојде уште неколку месеци, пренесува БиБиСи.