Со повеќе од 300.000 тестирани километри буди нова вера дека никогаш нема да ве разочари новиот hot-hatch. Зборувајќи за "жешките" работи под хаубата на овој автомобил се крие Euro V 2.0-литарски 16V турбобензински мотор кој при 5.500 вртежи/минута развива максимална моќност од 250 кс (184 kW).

Подобрување на перформансите се постигнува преку модификација на турбокомпресорите, новиот систем на контрола на вентилите и ревидираниот систем на директно вбризгување. Моторот е поврзан со 6-брзински мануелен менувач, за кој французите тврдат дека му е зголемена прецизноста.

На Renaultsport ќе му биде потребно 6.1 секунда за забрзување до 100 км/ч. Оние кои се грижат од еколошки аспект, емисијата на јаглерод диоксид е 195 грама/км, а просечната потрошувачка околу 8.4 л/100 км. Почетната цена на овој автомобил ќе изнесува 24.000 евра, а неговото доаѓање на пазарот се очекува на почетокот на идната година. Megane Renaultsport ќе се произведува во компанијата во  Palencia (Шпанија).