Јапонската компанија Панасоник на пазарот нуди плазма телевизор - гигант со дијагонала од 152 инчи или 386.08 сантиметри, за скромна цена од 500 000 $...

"Чудовиштето" TH-152UX1 тежи околу 570 кг. и има резолуција од 4096 на 2160 пиксели или четири пати повисока резолуција од стандардниот HD телевизор. Во цената не е вклучена монтажа. Сепак специјалистите предупредуваат дека "нилскиот коњ" меѓу телевизорите е првенствено за ресторани или други јавни места и дека ако некој сака да му се радува во домашни услови треба да се замисли, за да не си го оштети видот. Потребни се навистина големи простории.

Од "Панасоник" тврдат дека продажбата на TH-152UX1 оделa неочекувано добро. Освен во ресторани и барови еден од нив бил монтиран во канцеларија во Њујорк, вели потпретседателот на фирмата Рик Алберт.