Една јужнокорејска фирма го претставила најголемиот смартфон со екран кој може да прикаже 1080p HD видео во полна резолуција...

Pantech Vega No 6 на база на Андроид има екран со дијагонала 5,9 инчи "пакуван" со 373 пиксели по инчн.

Кинескиот Huawei неодамна го претстави уредот од 6,1 инч, но со 720 пиксели. Овие уреди спаѓаат во категоријата т.н. "фаблети", бидејќи производителите сеуште тестираат кои димензии најмногу им одговараат на купувачите.

Samsung беше пионир во димензиите 5,3 инчи колку што имаше Galaxy Note 2011 година, но многу аналитичари тогаш сметаа дека таквиот смартфон е преголем.

Dell нешто порано го претстави телефонот од 5 инчи, Streak 5, но се откажа од таа линија и се фокусираше на таблет од 7 инчи.

Последните месеци другите фирми, вклучувајќи ги Sony, LG, HTC и ZTE претставија телефони со екрани од 5 инчи и повеќе.

Најавени се уште неколку "суперголеми" уреди за претстојниот "Mobile World Congress" кој ќе започнe на 25 февруари во Барселона.