Twitter има нов сервис, кој овозможува размена на кратки видео записи и се вика Vine.

Социјалната мрежа Twitter во последните два месеци ја збогати понудата на сервисот со три многу интересни опции. Тоа се праќање на твитови по мејл, користење на филтери за фотографии, но и штотуку започнатото видео твитување.

Тоа се базира на кратки .GIF анимации, кои постојано се повторуваат, така што изгледа како да немаат крај. Кратката видео форма до седум секунди, според претставниците на Twitter, ќе отвори уште еден многу креативен канал за разменување на содржини и комуникација меѓу корисниците.

Покрај видеото може да се уфрли и одговарачки краток звучен запис, кој при прегледувањето може да се исклучи. Апликацијата Vine, заслужна за видео твитањето, за сега е достапна само за корисниците на iOS уреди, а Twitter најави дека наскоро ќе се појави и за другите платфмори.

Интерфејсот е многу сличен на Instagram, само што наместо сликање се користи снимање. Видео прилогот се креира од повеќе видео снимки, кои на крајот се монтираат во континуирана целина.