Доколку се уште немате купено Galaxy S2 смартфон, а би сакале, тогаш свртете се кон новиот, унапреден модел со најновиот Android.
Samsung го најави новиот Galaxy S2 Plus со Android 4.1.2 прилично одненадеж, посебно ако во предвид се има фактот дека оригиналниот модел доби Jelly Bean надоградба од 10 јануари.
Samsung, освен новиот Android оперативен систем, унапредениот Galaxy S2 Plus моделот го „збогатил“ со ист вид пластика, која се наоѓа на Galaxy S3, како и нов хардвер. S2 Plus има Broadcom чипсет со dual-core Cortex-A9 процесор со брзина од 1.2 GHz, со 1 GB RAM и проширлива меморија со microSD картичка до 32 GB. Телефонот има 4.3 инчи долг WVGA Super AMOLED Plus екран, како и претходникот.
Освен што покрај овој ќе се појави и модел со NFC поддршка, остатокот од спецификациите во однос на оригиналниот Galaxy S2 останува непроменет. Во продажба се очекува за неколку недели, во бела и сина боја, а цената се уште е непозната.
