Windows Live Messenger во март и официјално ќе оди во пензија...

Микрософт најави дека сите корисници од 15 март ќе бидат префрлени на Skype кој Микрософт го купи во октомври 2011 за 8,5 милијарди долари. Имено, во ноември минатата година претседателот на Skype, Тони Битс потврди дека Мessenger ќе биде изгаснат во првиот квартал од 2013 година.

Компанијата ги потикнува корисниците да го ажурираат Skype и да се логираат користејќи ја шифрата и меилот кој го користеле при пријавувањето на Windows Live ID, а сите контакти ќе се појават и на Skype.

Корисниците кои се пријавени на Мessenger, ќе видат банер со известување "надогради" и кога ќе кликнат на тоа ќе се појави pop-up прозор за инсталација на Skype, додека Мessenger автоматски ќе се деинсталира.

Мessenger во иднина ќе биде достапен само во Кина.