Доколку имате вишок пари би можеле да ги потрошите на MacBook Pro од злато кој изнесува 30 000 долари или можеби на златен iPad...

Компанијата "Computer Choppers" се занимава со "пресоблекување" на сите видови технички уреди со 24-каратно злато. По шара, површината да ја направат рапава или мазна и да направат секакви типови на лого од дијамнти во различни бои.

Уредите кои се пресоблекуваат се разголуваат до крајни можности и потоа се прелеваат со злато наместо со пластика или метал. По прелевањето следува дообработка и на крај гравирање или втиснување на дијаманти на точно одредно место.

Компанијата "Computer Choppers" ги испорачува своите ремек дела ширум светот, а најзанимливите производи кои ги има испорачано во рамките на овогодинешните празници се 30 000 долари вредниот 13 инчен MacBook Pro, iMac пресоблечен во рози од злато вреден преку 14 000 долари и 20 000 долари вредниот MacBook Pro преточен во платинум со лого од дијаманти.