Случајно или не, на интернет повторно се појавија фотографии на новиот компактен спортски седан CLA. Во последниве години такво истакнување веќе е вообичаена пракса за сите брендови, имајќи го во предвид наближувањето на автомобилскиот салон во Детроит...

Вистината е дека автомобилот изгледа исклучително добро. Точно, тоа се должи на опционалниот "Sport" пакет, кој го прави CLA да личи на AMG верзија. Но, дури и без него, новиот модел ветува дека ќе биде исклучително атрактивен како визија.

CLA е базиран на платформата на А-класата и во државите ќе се позиционира под седан С-Class, чија цена таму стартува од околу 35 000 долари. Во Европа CLA-Class ќе се нуди со истите мотори на А-Class, а тоа значи 4-цилиндрични бензински и дизел турбо мотори. Основниот бензински агрегат е 1,6-литарски со 122 КС, додека дизел (од Renault) 1,5-литарски мотор е со 109 КС Најмоќните бензински и дизел мотори се соодветно 2,0 со 211 КС и 2,1-литарски со 170 КС. Како опција ќе се нуди трансмисија со двојна спојка, како и 4MATIC погон на четири тркала, дизајниран специјално за малата палета модели на Mercedes.