CEO Twitter на службениот блог, потврдил дека компанијата примила нови инвестиции од страна на 5 компании, од кои две се нови: Insight Venture Partners и T. Rowe Price, а три досегашни инвеститори се: Institutional Venture Partners, Spark Capital и Benchmark Capital. Деталите поврзани со овие инвестиции не се објавени, така што не е познато колку се точни информациите кои ги објавил The Wall Street Journal дека Twitter ќе прими инвестиции во износ од 100 милиони долари, а со тоа и дека вредноста на компанијата се проценува на милијарда долари.

Всушност, Twitter сеуште нема стабилен извор на приходи, но инвеститорите очигледно веруваат дека компанијата наскоро ќе пронајде начин за брзиот раст на базата на корисници да го искористи за генерирање на заработувачка за компанијата. Како еден од првите чекори во тој правец е најавата дека кон крајот на оваа година, Twitter ќе почне да нуди посебни услуги за компании кои ќе се наплаќаат, а ќе им овозможи на корисниците користење на услугите за маркетинг, промоција и поддршка на корисници.