Секогаш кога Фејсбук ќе промени нешто што има врска со приватноста имаме чувство како некој да ни провалил во домот...

Секоја таква промена секогаш предизвикува расправа за тоа што би смеело, а што не, што би требало повеќе да се заштити и што од "приватните" содржини е премногу достапно за пријателите, за остатокот од Фејсбук корисниците и на крај, за онлајн светот на Марк Цукерберг.

Овој пат нова "јавна" улога ќе добие Ерин Еган, директортката за приватност на оваа друштвена мрежа, која ќе биде централна личност на новата опција која ќе се појави за неколку недели, а е наречена "Прашајте ја директорката за приватност".

Освен тоа, се воведуваат и промени за правилна употреба на податоците, вклучувајќи и нови филтри кои ќе ги заменат досегашните поставки внатре во сегментот "Кој може да ви праќа Фејсбук пораки", а ќе бидат предложени и нови потсетници за известувања за тоа кои од вашите податоци се видливи за другите корисници и бројни други совети за уредување на "Timeline."

Се што е наведено се само предлози кои до 28 ноември се ставени на проверка на одреден број корисници чии коментари допрва се очекуваат.