Новиот водечки телефн од Samsung, според првите гласини ќе има дисплеј од речиси пет инчи и камера со резолуција од 13 мегапиксели...

Изгледа дека зборувањата за новиот АMOLED дисплеј од пет инчи, со Full HD резолуција и густина на пиксели од 441 ppi не е научна фантастика. Сигурни, но неименувани корејски извори наведуваат дека Samsung Galaxy S4 ќе го има токму тој нов дисплеј, со уште некои подобрувања, како подобра заштита и други појачувања од оштетување и прекршување на светлината.

Со него е најавен и новиот Samsung Exynos 5450 chipset, кој е quad-core верзија од 5250 chipset, кој се наоѓа во таблетот Nexus. Со овие два податоци објавено е и дека Ѕ4 ќе има камера со резолуција од 13 мегапиксели, која требало да биде дел опремата на Galaxy Note 2 fonblet, но како екслузивна е зачувана за новиот Galaxy S4 модел. Со тоа се споменува и Full HD 60 fps видео снимање и унапреден интерфејс со нови опции.

Веќе во јануари ќе знаеме дали некоја од овие првични најави е точна, затоа што тогаш на СЕЅ манифестацијата би требало да биде прикажан токму новиот АMOLED дисплеј за кој овде станува збор.