Најпознатата друштвена мрежа кон средината на ноември ја претстави новата страница за парови, која на едно место ќе ги држи сите информации за заљубените...

Од сега не мора да ставате заеднички фотографии на профилот, за некој да го види вашиот пар = доволно е секој да има своја посебна страница, плус една заедничка, за парови. Благодарение на неа, датумите на средбите на парот, како и фотографиите од заеднички случувања, забави, венчавки, можат да ги постават на еднинствената Фејсбук страница за парови. На таа страница ќе можат да и пристапат и сите други пријатели и корисници на Фејсбук, на кои парот ќе им овозможи гледање.

Уредувањето на овие страници подразбира низа исти можности како и секој друг Фејсбук профил, што значи дека паровите, ако така сакаат, користејќи ги филтрите за приватност, ќе можат да ги поделат своите интересни момети со одреден круг на луѓе.

На оние кои имаат профил на мрежата Фејсбук, заедничките информации нема да им се појавуваат одвоено, туку на страницата посветена на животот во пар. Во склад со трендот на се поголемиот број истополни врски, Фејсбук овозможил водење на заедничка страница како за стрејт така и за геј парови.

Новите Фејсбук страници се наоѓаат на facebook.com/us адресата, каде можете детално да се информирате што ви нудат тие.