GSM верзијата на смартфонот официјално од 13 ноември доби надоградба на Android на последната, 4.2 верзија од софтверот.

Android 4.2 ќе донесе одредени софтверски „закрпувања“ и подобрувања што се однесуваат на стабилноста и брзината на работата, но и неколку помали новитети.

На пример, стигнуваат виџети на Lock екран, унапредена гестура на контролите и други. Google поради претходните лажни дојави за промената на името, кое останува исто, Jelly Bean, Android 4.2 го рекламира под слоганот „Новата арома на Jelly Bean“.

Сите претходни верзии беа неофицијални и нецелосни, а Google најави дека од овој датум Android 4.2 ќе биде достапен во сите региони.

Сепак, знајте дека заклучените, односно кодираните верзии на телефоните мораат да добијат зелено светло за новиот софтвер од операторот, така што за оние што купиле такви телефони (преку оператори) новиот Jelly Bean ќе стигне дури за неколку недели.