Повратна серија од паметните BlackBerry 10 телефони ќе биде претставена кон крајот на јануари наредната година, соопштила RIM компанијата...

Тоа значи дека по неколку одложувања и значителниот пад на вредноста на акциите, со  кои се соочува во последните две години, компанијата, сепак ќе го испочитува последниот поставен рок за презентација на своите нови телефони и оперативен систем.

Откако RIM ја објави оваа вест, акциите на BlackBerry скокнале за 5,5%. Пред четири години, кога RIM беше на врвот на своето работење, вредноста на акциите изнесуваше 148 долари.

Компанијата новиот оперативен систем и телефони истовремено премиерно ќе ги прикаже и во продажба ќе ги пушти во повеќе држави, за да покријат што поголем дел од пазарот. Тој ден ќе бидат претставени два нови  уреди, но веќе по две недели би требало да бидат претставени и телефоните со хардверска QWERTY тастатура и дисплеј на допир.