За коментарите полесно да се прегледуваат и одделуваат, социјалната мрежа Facebook тестира нови опции, како Reply копчето под коментарот.

Во овој момент кога одговорите на некој коментар на Facebook, тој се смесува под него. При тоа, за да се знае дека одговарате на точно определена личност морате да користите @Име_на_личноста опцијата, што ја успорува комуникацијата.

Сега, како што рече една претставничка на медиумите на Facebook, таа социјална мрежа го тестира однесувањето на Reply копчето, кое се наоѓа веднаш под копчето Like, веднаш под секој коментар. Коментарите со новото Reply копче се сместуваат веднаш под коментарот на кој се одговара и се вовлекува неколку милиметри во десно.

На овој начин, дури и кога постојат голем број на коментари јасно ќе може да се одговори токму на оној кој го привлекол вашето внимание, и тоа веднаш под него, не реметејќи го редот на веќе поставените коментари. На овој начин ќе биде овозможено полесно следење и организација на коментарите.