Последната авантура на Лара, The Guardian of Light, бесплатно може да се игра на Core Оnline сајтот, колку и кога сакате.

Најновата игра на Лара, која го носи насловот Lara Croft and the Guardian of Light, која излезе од познатата франшиза акциони авантури, на играчите им донесе многу добра забава и целосно ново опкружување.

Играта од серијалот на Лара првиот пат можеше да се игра за двајца, така што еден играч ја контролира Лара Крофт, а другиот Тотек - бог задолжен да и помогне на Лара да ја уништи страшната клетва која заедничкиот непријател ја ослободил.

Играта е достапна за играње само преку пребарувачот Mozilla Firefox на www.coreonline.com сајтот, и ја нуди целата приказна, сите нивоа, видео трејлери и друг материјал од играта. Играњето на првите 9 минути е бесплатно, а потоа со гледање на три видео реклами можете да заработите час време бесплатно играње. По секое ниво, можете да гледате нови три спотови и повторно да заработите час време за играње и така во круг. Траењето на трите видео спотови е околу две минути, што не е ништо во споредба со одличната забава која ќе ја добиете потоа.

Освен Лара, на Core Online порталот можете да играте и една од Hitman игрите, Mini Ninjas и уште некои, а во најава се уште неколку хитови од Square Enix компанијата.

Lara Croft and the Guardian of Light е една од најдобро оценетите игри од тој серијал досега, се појави за PC, XBox, PlayStation и мобилни платформи, а играчите се воодушевени со т.н. кооперационен мод, па ве советуваме задолжително да се забавувате во друштво. PC контролите се малку потешки за совладување, отколку со конзоули, но немојте да дозволите тоа да ви ја расипе забавата! Со малку вежбање, сигрно ќе играте со уживање.

Среќно уништување на злото и мала напомена за крај - според приказната, имате време само до утрината да ја истерате клетвата, инаку светот ќе биде уништен. Водете сметка за тоа и помогнете и на Лара!