Гугл денес со својот дудл одлучил да му оддаде почит на Брам Стокер...

Славниот ирски писател Абрахам "Брам" Стокер е роден 08 ноември 1847 година, а починал 20 април 1912 година. Пишувал романи и новели, а најпознат е по трансилванскиот гроф кој го опишал во својот роман "Дракула" од 1897 година.

Во животот бил познат како асистент на глумецот Хенри Ирвинг и менаџер на театарот Лајсеум во Лондон, кој Ирвинг го поседувал, а не како писател.

Пред да го напише романот "Дракула" Стокер поминал неколку години истражувајќи ги европските традиции и митолошки приказни за вампирите, а во време на издавање, делото било сметано за "вистински хорор роман", базиран на измислени импресии за натприродните појави. На некој начин одредил форма и иднина на жанрот и станал дел од популарната култура и иако не го измислил славниот гроф, му дал облик по кој е познат до ден денес.