Поминаа 100 години од кога Ettore Bugatti за прв пат ги восхитил своите љубители со својот единствен дизајн, а многу од претходните ремек дела се изложени на саемот за олдтајмери во Париз.

Одбележување на стогодишнината на Bugatti, беше можност за сите ентузијасти и љубители на Bugatti, уште еднаш да уживаат во убавината на овие автомобили. "Тоа е многу емоционален момент, зашто сто години од своето постоење не се прославуваат секој ден", рекол Christian сопственик на Bugatti Type 44.

Компанијата е основана во Molsheim, која сега се наоѓа во Франција, а пред 100 години беше составен дел од Германија. Во шеесеттите години на минатиот век, поради тешките времиња и кризи, семејството Bugatti морало да ја продаде компанијата, но пред 11 години германскиот Volkswagen ја откупил Bugatti фабриката и повторно била отворена во Molsheim со цел да остане верен на визијата на Ettore Bugatti.

Исто така во негова чест, компанијата направи вистински револуционерен модел наречен Veyron, кој под капакот крие мотор со сила од 1000 коњи, максимална брзина од над 400 километри на час и чини над еден милион долари. Погледнете за што станува збор...