Претходната изјава на Apple компанијата, објавена на сајт во Велика Британија можеше да се нарече се, само извинување не. Е, не може тоа така на Островот!

Судот во Велика Британија наложи компанијата Apple да го измени своето „извинување“ упатено на компанијата Samsung на својот сајт во таа земја. Првиот таков обид помеша „баби и жаби“ не правејќи го извинувањето на компанијата Apple адекватно и оставајќи ги корисниците збунети, се наведува во судското соопштение.

Под притисок, Apple мораше да ја повтори својата изјава и сега стои дека таблетите на Samsung не ги кршеле дизајнерските патенти на американската компанија, а наведени се и местата на кои може да се прочита пресудата и одлуката на судот. „Извини“ и понатаму не стои во изјавата, но Apple овој пат на корисникот кој ги чита тие неколку редови му дава до знаење дека Samsung не прекршил ниту еден нивни патент.

По повод првото извинување Samsung остро протестираше на судот, барајќи тоа да биде повторено. По повод оваа второто се уште се немаат огласено.

Ете, и тоа се случи. Што ли е само следно во „војната“ Samsung/Apple?