Произведувачот на антивирус софтвер Kaspersky сега работи и на свој оперативен систем, соопштено е на конференцијата Telecom World 2012 во Дубаи.

Не се работи за конкуренција на оперативните системи Windows, Chrome или MacOS, туку за специјална заштита за критички важните информациони системи на големите индустриски објекти.

Од Kaspersky е соопштено дека системот ќе има затворен статус, односно нема да биде достапен за надворешни мрежи и нема да дозволи користење на надворешен код.

Kaspersky со овој потег ја проширува сферата на својата работа и се труди на големите корисници да им понуди „најтврда“ интернет заштита против вируси и злонамерни програми.