Најголемиот јапонски оператор на мобилна телефонија најавил дека ќе покрене сервис за преведување, кој на луѓето ќе им овозможи да разговараат на телефон на неколку различни јазици...

Апликацијата на корисниците на мрежата NTT DoKoMo нуди двосмерни гласовни и текстуални прикази на разговорот меѓу јапонските говорници и оние кои зборуваат на англиски, кинески или корејски, со неколку секунди задоцнување, соопштила компанијата.

Hanashite Honjaku, како што се вика апликацијата, ќе биде бесплатна, а ќе може да се користи на паметните телефони и таблет компјутерите со оперативниот систем Андроид.

Поторошувачите, преку тој сервис, исто така ќе може да се јавуваат и од фиксни телефони, а услугата наскоро ќе биде достапна и на француски, германски, индонезиски, италијански, португалски, шпански и тајландски јазик.

Сепак се наведува дека корисниците треба да бидат свесни за тоа дека услугата не нуди совршени преводи, како и дека има проблем со толкување на некои дијалекти, но до крајот на годината ќе треба да се  усоврши.