Fujitsu за дамите подготвил посебна верзија на лаптоп компјутер, кој има интерактивна дневник апликација и дневен хороскоп.

Fujitsu новиот лаптоп, што ќе почне да се продава во почетокот на ноември, го креирал за жените, а посебен е по тоа што целосно го осмислиле и го произвеле токму жени. Оваа серија Windows 8 компјутери е наречена Floral Kiss и е посебна по тоа што има женствен дизајн, со неколку променливи дезени на предниот панел.

Floral Kiss Ultrabook има хард-диск од 500 GB, i5 Core процесор, женски теми на Windows 8, но тоа што го разликува од сите Ultrabook компјутери се неговите женски апликации. Windows 8 доаѓа со интерактивна дневник апликација, која жените сакаат да ја пишуваат и дневен хороскоп апликација, која се подесува за секоја корисничка посебно.

Преку интернет врска, по неколку внесени параметри, секоја жена која ќе ја користи оваа хороскоп апликација ќе добие персонализиран извештај и тоа за три сегменти: љубов, здравје и работа.

Компјутерот доаѓа и со посебно дизајниран маус, во кој може да се чува накит или некои други ситници од вредност. Цената на компјутерот уште не е објавена.