Основачот на Facebook, Mark Zuckerberg рекол дека таквиот голем број на регистрирани корисници го означува почетокот, бидејќи компанијата планира и понатаму да се развива.

"Тоа е голем број, но мислиме дека е почеток на остварување на нашите цели, а тоа е поврзување на сите", напиша Zuckerberg на својот блог. Facebook во Јули објави дека има 250 милиони корисници, што значи дека за само два месеци членството се зголеми за 50 милиони луѓе. Бројот од 300 милиони е еднаков на бројот на интернет корисници во Кина, или збир на интернет корисници во 10 поголеми европски земји.

Исто така објавено е дека компанијата конечно работи со профит после 5 години и 6 месеци постоење. Оваа информација повторно предизвика шпекулации дека би можеле да го споделат Facebook на берзата следната година, што во минатото тоа постојано го негираа.