Компанијата Apple во Велика Британија повторно изгуби во судски процес, во кој тврдеше дека Samsung Galaxy Tab го копира нивниот iPad.

Пред неколку месеци американската компанија го тужеше Samsung и во Велика Британија по ист принцип како и во цел свет, а Високиот суд во Лондон брзо го отфрли целиот случај.

За време на изрекувањето на првата пресуда, остана запаметена сега веќе познатата рееница на судијата Колин Бирс, односно „Samsung Galaxy Tab не е кул како iPad-от“.

При таа прилика, на компанијата Apple и е наложено и на сите свои сајтови, но и во медиумите, да се огласи дека Samsung не го копирал изгледот на нивниот iPad таблет, на што компанијата Apple се пожалила. Изгледа дека таа реклама, сепак, наскоро ќе ја видиме, затоа што американската компанија повторно изгуби и по процесот на жалба.

Apple сега има две можности - да се жали на Врховниот суд во Британија или молкум да го прифати поразот и со низа маркетиншки активности да ја надокнади штетата која и ја нанесе на компанијата Samsung, која им е нанесена со неоправдани обвинувања и негативна кампања која компанијата Apple ја водеше во претходниот период.