Компанијата Фејсбук, која стои зад Инстаграм апликацијата, официјално соопшти дека нема да ја развива таа фото апликација за BlackBerry платформата...
По катастрофалните резултати кои претходно ги објави BlackBerry, доаѓа нова лоша вест, која ја потврди дека Инстаграм нема да функционира на BlackBerry. Фејсбук, Твитер, ЛинкдИН и некои други претходно најавени апликации, сепак ќе се појават на оваа платформа.
Иако програмерите на компанијата RIM неодамна поделија преку 6000 прототипови на уредот BB10 платформата, која треба да се појави на почетокот од следната година, BlackBerry не успеа да ги натера да му дадат силна подршка, што се однесува до развојот на апликациите.
На веста дека Инстаграм нема да биде достапна за BlackBerry, компанијата RIM реагираше на соопштението во кое се вели дека наместо таа, на своите корисници ќе им претстават сопствена апликација со фото-филтри.
