Facebook на корисниците, покрај популарното копче Like, ќе им го понуди и копчето Want, кое наскоро ќе биде претставено.

Партнерите на социјалната мрежа Facebook, разни брендови, одлучни се да промовираат понуди меѓу корисниците на таа платформа, поради што е најавено воведување на копчето Want (Сакам, Посакувам). Новото копче е своевиден додаток на опцијата Like (Ми се допаѓа) за изразување на интересирањето на корисникот за одредена содржина.

Новата опција ја пружа можноста за истакнување и организирање слики и понуда на производи кои ја нудат спонзорите на ѕидовите на Facebook и Timeline профилите. Исто така, корисниците можат на овој начин да го споделат својот избор со пријателите и да го претстават производот кој им се допаѓа во делот на профилот за актуелни случувања.

На тој начин Facebook и неговите маркетиншки партнери добиваат повратна информација директно од корисниците колку одреден бренд и производ се популарни кај корисниците и на тој начин, легално без спорното следење на корисникот преку скриени патишта дознаваат што корисниците сакаат и посакуваат.

Новото копче Want всушност е уште еден доказ за таргетираното огласување кое се повеќе зема замав на Facebook, затоа што социјалната мрежа на тој начин директно и без посредници ќе знае што корисниците бараат и сакаат и на тој начин ќе им пласира токму производи во склад со нивните интересирања.