По долгите нагодивања за излегувањето на помал модел од познатиот бестселер, веста за Galaxy S3 mini е официјално потврдена...

Премиерата на новиот смартфон со некои карактеристики од постариот брат Galaxy S3, ќе биде одржана утре во Германија. Веста е официјално потвредена од страна на претседателот на Samsung групацијата, ЈК Шин, кој навел и неколку причини за лансирањето на таков телефон.

Европскиот пазар моментално сака компактни паметни телефони, чија дијагонала на дисплејот има околу четири инчи и Samsung тоа и ќе го понуди. Galaxy S3 mini ќе биде во склад со сервисите и мрежните услуги кои најмногу се користат на овој континент и ќе има прифатлива цена.

Што се однесува до каракатеристиките, освен што ќе има дисплеј од 4 инча WVGA резолуција и изглед на претходниците, се нагодува и за тоа дека камерата ќе биде со 5 мегапиксели со најмалку 720p HD видо снимка, дека дисплејот ќе има Super AMOLED матрица, квадкор процесор од новата генерација и дека mini Ѕ3 ќе има ознака I8190.