Барем така тврди произведувачот на телефонот, кој на жалбите на корисниците на страницата за Поддршка им упатил и оригинален совет за сите нив.

Од кога се појави во продажба, iPhone 5 го следаат коментари дека не е во целост завршен производ. Прво се појавија модели со „исчукани“ и излупени рабови, потоа мапите, а во последно време се зборува и за проблем со камерата.

Некои корисници пријавиле проблем со виолетовите тонови кои стануваат неприродно изразени кога се сликаат многу осветлени објекти и предели со многу природно, сончево светло.

Во компанијата Apple на корисниците, пркеу официјалната страна за Поддршка, им одговориле на тие проблеми. Имено, компанијата Apple вели дека секој вистински фотограф никогаш не би ја свртел камерата кон сонцето или ламбата и да фотографира, како и дека виолетовите тонови на таквите фотографии се сосема вообичаена појава.

До такви колорни дисторзии доаѓа поради прекршување на светлината во самата камера и тие биле дел од сите iPhone модели досега. Тоа не е грешка, тоа е вообичаена појава при фотографирање на директни извори на светлина.

А што Apple ги советува на корисниците - не сликајте извори на директна светлина! Многу оригинално, како и во случајот кога ги учеа корисниците како да го држат телефонот за да имаат сигнал!

Шега на страна, можеби ваквиот совет на некој му звучи помпезно и премногу самоуверено, но познатиот сајт за оцена на фотографски уреди, камери и фотографии - Digital Photograph Review - на корисниците кои се жалеле на виолетовата нуспојава им го кажал истото - дека тоа е природна појава за оптиката и им упатил ист совет како Apple.