Неодамна исклучително помпезно најавениот таблет, при што беше претставен како еден од најдобрите во своја категорија, се повлекува од продажба.

Јапонската компанија Sony, која и така веќе е во длабока криза, приморана е да се откаже од продавање на својот таблет Xperia поради проблем во производството.

Се работи за постојањето на расцеп меѓу екранот и куќиштето, кои некои уреди ги прави чувствителни на вода, што е, како што наведоа во компанијата Sony, врзано за веќе детектираниот проблем во само една кинеска фабрика, каде што Xperia таблетите делумно се произведуваат.

Откажувањето на продажбата настапува само еден месец по пуштањето на уредот во продажба, што значи дека смао еден дел од тие таблети го имаат овој проблем. Компанијата на основа на серијски ознаки ќе утврди за кои точно модели на таблети се работи и во кои делови од светот тие се продаваат, по што ќе следува повик до корисниците за рефундирање на парите или замена за нов таблет.

Сепак, во компанијата Sony уште не можат да кажат колку време ќе биде потребно за да се реши проблемот и кога продажбата на таблетот во погодените подрачја ќе може повторно да почне.