Да имате престижен телефон само по себе не е доволно, затоа што сега тој мора да биде целосно персонилизиран и изработен рачно, само за вас...

Тоа го сфатил и британскиот дизајнер Стјуарт Хјуз, кој само 100 нови iPhone 5 модели ќе изработи рачно, од злато, дијаманти и други вредни материјали.

Телефонот ќе биде обложен со слој од 18 каратно злато, со посебно излиено лого на компанијата Ејпл, во кое ќе бидат вметнати 53 дијаманти од еден карат. Цената на секој телефон ќе изнесува 21,995 фунти, а изработката ќе трае неколку недели за секој телефон.

Стјуарт вели дека најскапиот изработен iPhone во негоата продукција изнесувал околу шест милиони долари и е продаден на една деловна жена од Австралија.

Ексклузивен iPhone 5 од ружино злато

Уште една лондонска компанија, Gold & Co. е задолжена од обичниот iPhone 5 да создаде нова, позлатена верзија на овој смартфон. Споменатата компанија го прелива ќукиштето на iPhone 5 со најфиното 24 каратно и посебно ружино злато.

За Gold & Co. iPhone 5 изработен од ружино злато, инаку поцрвено од обичното, треба да издвоите 5000 долари, додека верзијата со 24-каратното злато е помалку екслузивна, а со самото тоа и поефтина - 4,600 долари.

Доколку iPhone 5 прелиен со злато ви се чини како совршен избор - право во Дубаи, бидејќи се продава само таму. И побрзајте, затоа што во продажба се пуштени само 250 такви модели и секој од нив е обележан со код и број на производство од 001 до 250.