Новиот градски автомобил на Oplel, "Adam" е премиерно претставен на Салонот за автомобили во Париз, кој се одржува од 29 септември, до 14 октомври...

"Аdam" на почетокот ќе биде понуден со три бензински мотори - 1,2 l oд 51 kW/70 ks, 1,4 l oд 64 kW/87 ks и 1,4 l oд 74 kW/100 ks.

Автомобилот има петостепен систем на пренос и може да развие максимална брзина од 185 километри на час. Сите погонски ситеми се достапни со "ecoflex" технологија, како и со економичната "Start/Stop" технологија.

Потрошувачката на гориво е само 5,0 литри на 100 километри, со емисија на јаглен диоксид од само 118 грама по километар, што го прави "Аdam" да остане ефикасен и економичен урабан автомобил.

Подоцна на купувачите ќе им биде понуден и мал бензински мотор од сосема нова генерација со директно вбризгување и турбо полнач.