Се сеќавате ли на животот пред Гугл? Моравме да се служиме со мапи на хартија, да учиме јазици и да поседуваме речници. Ова година се одбележа 14-тиот роденден на Гугл и во таа чест Huffington Post состави листа од 13 работи кои ги правиме со негова помош...

1.Точно пишување на зборови

2.Проверување на луѓе. Сите знаеме дека Фејсбук понекогаш едноставно не е доволен кога за некого сакаме да дознаеме нешто повеќе.

3.Снаоѓање во просторот. Со помош на Гугл Мапс имаме реална слика за местата на кои теба да стасаме што навистина ни го олесува снаоѓањето.

4.Се сеќавате ли на готвачот? Денес само ќе кликнеме на Гугл и ќе пронајдеме рецепт, а ако не ни се готви ќе го "гугламе"  најблискиот ресторан со достава.

5.Пауза и забава. Кога по напорниот ден сакаме да одмориме, често прегледуваме некои од бројните видеа на Јутуб кој го купи Гугл откако тој сервис стана планетарно популарен.

6.Како изгледа некоја личност? Благодарение на Гугл Имиџес, откако ќе "изгугламе" некое име, Гугл ќе ни ги даде фотографиите од таа личност.

7.Автомобили без возачи. Лицето ќе седне во автомобилот, ќе ја напише дестинавцијата каде сака да стаса и возилото ќе го направи тоа место него. Иако ова функција сеуште не заживеала за повеќето корисници, во некои држави во САД веќе почна да се користи. Благодарение на оваа програма наскоро веќе, меѓу другото, нема да мора да знаеме да паркираме странично. Гугл ќе го направи тоа за нас.

8.Сакате во кино? Како инаку ќе дознаете каде и кога ќе се прикажува некој филм, читате во весник?

9.Колку јазици всушност говорите? "Vi brukade lära sig språk, nu finns Google Översätt", преведете го ова на Гугл Транслејт.

10.Кој е во право? Се сеќавате ли кога сте биле 100% сигурни во некоја информација, но вашиот пријател никако не се согласувал со вас. Сега информацијата може да ја проверите ако ја "гуглате".

11.Славни цитати. Благодарение на Гугл во просторот за пребарување може да напишеме само дел од некоја фраза и пребарувачот ќе ни понуди неколку предлози.

12.Сакате да проверите колку е 13 милји во километри? Гугл знае.

13.Проверка на значењето на зборот. Повеќе не мора да отварате речник на странски зборови. Ако некој каже збор кој не го разбираме, може да го извадиме нашиот смартфон и да го "гугламе" тој збор. Дефиницијата ќе ја пронајдеме брзо.