Новиот концепт на Тојота Prius Plug-in Hybrid, за прв пат ќе биде претставен пред широката јавност за време на меѓународната изложба во Франкфурт следната седмица.
Toyota Prius Plug-in Hybrid (PHV) Concept, кој е изработен врз база на третото поколение на првиот светски сериски хибриден автомобил, нуди режим на работа само на електрична енергија со поголема брзина и на подолги релации. Според информацијата од компанијата автомобилот ќе биде во состојба да помине околу 20 километри, притоа искористувајки ги своите литиум-јонски батерии. Во исто време Toyota Prius Plug-in Hybrid (PHV) Concept без проблем ќе може да се движи по подолгите меѓуградски и магистрални патишта во електричен режим.
При потреба од дополнителна енергија, корисниците на автомобилот секогаш ќе го имат на располагање и 1.8 литарскиот 4 цилиндричен мотор со внатрешно согорување, кој работи во комбинација со 90% обновениот систем Hybrid Synergy Drive.
Следниот чекор пред пуштање во сериско производство на Prius Plug-in Hybrid ќе биде дополнително тестирање со околу 500 негови претставници, кои ќе започнат ко крајот на годината.