Неколку недели пред ветениот рок, а сè поради протекувањето на официјалната ROM верзија, Samsung ја прати Android надоградбата за Galaxy S3.
Одлична вест за почетокот на неделата им стигна на корисниците на Samsung Galaxy S3 - производителот од денеска, 24 септември, ја испорачува надограбата Android Jelly Bean. На почетокот таа ќе им биде достапна само на Европејците, со старт во Полска и тоа за верзиите без SIM картичка. Веднаш потоа ќе ја добијат и сопствениците на тој телефон во сите европски земји.
Samsung советува надоградување преку Wi-Fi мрежа со батерија наполнета најмалку до половина. Апдејтот е достапен преку Kies софтвер и преку мобилна мрежа. „Тежи“ меѓу 150 и 350 мегабајти, а надоградувањето трае меѓу 15 и 30 минути. Овие фактори зависат од тоа колку редовно пред Jelly Bean сте го апдејтувале софтверот на својот Galaxy S3 смартфон.
