Ejпл корисниците ширум светот пријавиле постоење на оштетувања на куќиштето на телефонот, кои дошле заедно со него...

Изгледа дека Ејпл направил пропусти во процесот на производство на новиот iPhone 5 телефон, затоа што корисниците како на белиот, така и на црниот модел пријавиле оштетувања на краевите од својот смарфон. Наводно, заоблените делови на уредот, инаку изработен од посебен алуминиум, доаѓаат со јасно видливи оштетувања, кои потсетуваат на нанесени удари или паѓање на телефонот.

Прво на интернет се појавиле приказните за црниот модел, но тогаш и сопствениците на белиот iPhone 5 ја пријавиле истата работа.

Со секој нов iPhone уред се случува некој пропуст. Со моделот iPhone 4 тоа беше антената и лошиот прием на сигнал, со iPhone 4Ѕ неправилната работа на батеријата, додека за iPhone 5 веќе е потврден првиот недостаток.

Сепак, изгледа дека компанијата Ејпл нема да ги промени своите планови за продажба, затоа што аналитичарите сметаат дека iPhone 5 во првиот викенд ќе се продаде повеќе од 5 милиони примероци. Доколку тоа се случи, iPhone 5 ќе биде официјално најбрзо продаван смартфон некогаш.