Сосема неочекувано, компанијата Ејпл "заработила" тужба дека го копирала изгледот на часовниците кои се наоѓаат на железничките станици во Швајцарија...
Швајцарската железница ја оптужила американската информатичка компанија Ејпл дека во целост го ископирала дизајнот на часовниците на железничките станици во таа земја за својот оперативен систем iОЅ 6.
Портпаролот на швајцарските железници Рето Корман рекол дека компанијата е горда што американскиот информатички гигант одлучил да го копира дизајнот на нивните часовници стари 68 години. А тогаш Корман додал и дека Ејпл претходно не барал никаква дозвола за да го направи тоа и дека Швајцарска железница ќе бара паричен надомест од американската компанија.
Претставниците на Ејпл сеуште не го коментирале ова тврдење.
