Корејската автомобилскa компанија Киа најави дека во Салонот за автомобили во Париз по прв пат ќе биде претставена третата генерација од возилата Каренс...

Овој семеен автомобил, наменет за оние кои водат активен начин на живот, е направен на нова платформа а покрај привлечниот изглед нуди и практична пространост со витки и аеродинамични линии, како и пет или седум седишта.

Киа во Париз ќе има и светска премиера на моделот Просид, а ќе ја претстави и хибридната Оптима, со единствена мешавина на моторни перформанси и штедлива потрошувачка на гориво, како и обновениот СУВ Соренто со новиот бензински GDI мотор со зафатнина од 2,4 литри и 192 коњски сили.

Корпорацијата Киа Моторс произведува повеќе од 2,5 милиони автомобили годишно, чија што мрежа на продажни центри е распространета во 172 држави. Компанијата ширум светот има вработено повеќе од 47.000 луѓе а во производството ги применува европските начини на работа.