Во целосна спротивност со трендовите пред 6 месеци, кога продажбата на робата во продавниците била во пад, а продажбата на игрите растела, последните неколку месеци оптимизмот во малопродажбата на пазарот на игрите, е пресликан во драстичен пад.
Всушност, до неодамна многумина мислеа дека индустријата за видео игри, поради релативно ниските цени и долготрајна забава која ја пружа, е отпорна на рецесијата. Но, сега сите тие аргументи паѓаат во вода. Според податоците на компанијата NPD Group, во Јули продажбата на видео игрите била во пад 5-ти месец по ред, а во однос на истиот месец во минатата година, бележи пад од 29%, односно, од 1.1 милијарда долари паднала на 848.9 милиони долари. Во Јуни, падот во однос на минатата година бил уште поголем, околу 31%.
Вкупно до сега во оваа година, продажбата на видео игрите била 8.16 милијарди долари, што е 14% помалку од иститот период во минатата година. Аналитичарите на NPD Group пресметале како да ја достигнат минатогодишната продажба на видео игрите, во претстојните месеци, така што во претстојните 5 месеци од оваа година, мора секој месец да остваруваат 11% поголема продажба во однос на истите месеци од минатата година.
