Американскиот федерален суд во Тексас му нареди на Microsoft да престане да продава некои верзии на Word, и во рок од 60 дена и да плати казна од 290 милиони долари заради користење на туѓ патент. Пресудата била во корист на мала канадска компанија i4i Ltd која го тужела софтверскиот гигант.

Компанијата i4i Ltd со седиште во Торонто го обвинила Microsoft дека го злоупотребиле невниот патент, односно употребувале XML јазик, кој овозможува форматирање на текст и читање датотеки во различни програми, исто така тоа е клучна софтверска компонента на многу интернет страници и компјутерски програми, вклучувајки го и Word-от од Microsoft. Со нив се сложил и судијата Leonard Davis кој му наложил на светскиот гигант да плати казна од 290 милиони долари во рок од 60 дена и да престане да ја продава верзијата на Word која ја содржи спорната технологија. Како што пренесува Reuters се работи за верзиите од 2003 и 2007 година.