Компанијата Samsung Electronics потврди дека на 3 Mај во изложбениот центар  Earls  Court во Лондон, Samsung Mobile Unpacked ќе одржи презентација на своите нови производи. Се очекува дека ѕвездата ќе биде Samsung Galaxy S3...

"Ѕвездата" би требало да биде новиот модел од Galaxy серијата, за кој се предвидува дека ќе биде еден од смартфоните кои ќе ја одбележат оваа година.

Јужнокорејската компанија објавила дека до 2012 година, кога се појави првиот модел од Galaxy палетата, се продале повеќе од 40 милиони телефони од оваа серија, а најбрзо се продавал Galaxy S2 - за пет месеци продадени се 10 милиони мобилни апарати.

Најновиот модел најверојатно ќе се вика Galaxy S3. Се очекува дека ќе има АМОLED екран од 4,65 инчи, резолуција 1280x720 пиксели, а ќе работи со Quad-core 1.5 GHz процесор и оперативен систем Андроид 4.0 (Ice Cream Sandwich).

Ако може да им се верува на шпекулациите на броните интернет форуми, овој модел ќе биде "дебел" 7 mm, ќе има BSi камера од 12 мегапиксели и подршка за NFC. Исто така се зборува дека, неговото куќиште ќе биде изработено од керамика и метал.

Иако ништо од ова не е конечно потврдено од Samsung, на 3 мај сигурно не очекува пријатно изненадување.